…findet statt! Anmelden noch bis Montag 11.00 Uhr möglich!

..es isch VollMond..

EN ABIG ZWÜSCHE Himmel UND Erde

De Vollmond bringt Liecht is Dunkle.

Er ladet eus ii, gnauer hiizluege. 
Z’erkenne, was i eus gwachse isch, was eus nümme dient und was endlich Platz überchö söll. 

Du darfsch de Lärm vom Alltag hinder dir lah, i d’Stilli iitauche und di mit diner innere Wiisheit verbinde.

I dere gfüehrte Deep-Dive-Meditation verbindet mir eus mit em Loslah, em Dich-selber-Aneh und diner innere Wahrheit. 
 

Mir öffned en Ruum für d’Verbindig mit dine Spirit Guides und für dini Botschafte, wo im Alltag mängisch untergönd.

…Du darfsch dich vo alte Gschichte z’löse, ohni dini Vergangeheit zvergesse...

🌕 Was darfsch loslah?
🌕 Was dörfsch endlich aaneh?
🌕 Und wofür wotsch dis Herz wieder öffne?

Mit ere tüüfe Meditation, Journaling und eme gemeinsame Usklang im Kreis gänd mir dene Frage Ruum.

Du bruchsch kei Meditationserfahrig. Du darfsch eifach da sii & di uf dini ganz eigeti Art berüehre lah.

Montag 26. Oktober
19.00–20.30 Uhr
Sonnmatt, Rotchrüz
Energieusgliich: CHF 39.–

Chum, wie du bisch.

Mit allem, wo di grad bewegt.

Und mit de Bereitschaft, dir selber für en Abig es bitzeli nöcher z’cho.

Ich freu mich uf dä bsunderi Ruum mit dir.

Herzgrüess
Sabina

Anmeldung bitte bis Sonntag vorher möglich

www.läbenswärt.ch